O Ministerio de Sanidade abriu este mércores 4 de novembro a súa nova web www.estilosdevidasaludable.msssi.gob.es. Trátase dun recurso en liña destinado a profesionais e cidadáns. Esta web desenvolveuse ao abeiro da Estratexia de Promoción da Saúde e Prevención no SNS, para fornecer información útil e de calidade, tendo en conta os factores priorizados na estratexia: actividade e sedentarismo, prevención do tabaquismo, alimentación saudable, prevención do consumo de risco e nocivo de alcohol, seguridade e lesións non intencionadas e benestar emocional.

A web dispón dalgunhas ferramentas interactivas para coñecer a situación de partida para traballar algúns dos factores priorizados na estratexia do SNS, onde facilita táboas de planificación, vídeos e outros materiais que poden ser útiles na nosa labor diaria. Así mesmo tamén dispón dun localizador de saúde no que se visibilizan os recursos para a saúde dos concellos que se adheriron a esta estratexia.