A Asociación Galega de Enfermaría Familiar e Comunitaria (AGEFEC) é unha asociación científico profesional de ámbito galego cuxo obxectivo xeral é o fomento, desenvolvemento, promoción e progreso da Enfermaría de Atención Primaria. É por elo que ten como fin, entre outros, servir de guía e referente en investigación e apoio na divulgación do coñecemento científico, como parte esencial da denominación da sociedade.
A concesión de patrocinio ou aval científico de AGEFEC é outorgado a todas aquelas actividades formativas, divulgativas, de investigación, asistenciais ou sociais, relacionadas coa Atención Primaria, organizadas por particulares ou institucións que non teñen relación coa AGEFEC ou coa Federación na que esta se inclúe (FAECAP), pero que necesariamente estean aliñadas cos seus obxectivos.
