NORMATIVA COMITÉ CIENTIFICO  

I. NORMAS XERAIS (AGEFEC 2026)

I.1. Ámbito e temática. 

Poderán presentarse traballos relacionados coa Enfermaría Familiar e Comunitaria, en calquera área temática e con metodoloxía cuantitativa, cualitativa ou mixta.

I.2. Modalidades de presentación.

As comunicacións poderán presentarse en dúas modalidades:

1. Comunicación oral.
2. Póster científico.

I.3. Os traballos deberán enmarcarse nun dos seguintes bloques metodolóxicos e formatos:

• Estudo experimental / cuantitativo (artigo orixinal):Inclúe ensaios clínicos, estudos observacionais, estudos de intervención ou outros deseños cuantitativos.
• Estudo cualitativo (artigo orixinal):Abrangue investigación con metodoloxía cualitativa ou mixta, incluíndo estudos fenomenolóxicos, etnográficos, teoría fundamentada ou investigación-acción participativa.
• Casos clínicos e intervencións(artigo breve):Presentación de casos clínicos relevantes, experiencias innovadoras en coidados, actividades comunitarias ou programas desenvoltos no ámbito da enfermaría familiar e comunitaria.
• Revisión bibliográfica: Revisións sistemáticas, metaanálises, metaetnografías, scoping reviews ou outros tipos de revisións da literatura.
• Proxecto: Protocolos de investigación en fase de deseño, incluíndo antecedentes, obxectivos, metodoloxía e plan de traballo.

I.4. Orixinalidade e opción a premio

• Poderán enviarse traballos xa presentados noutros foros agás aqueles que opten a premio, que deberán ser inéditos (non publicados nin premiados con anterioridade).
• No formulario de envío será obrigatorio indicar a casa “Opta a premio: si/non”.

I.5. Linguas

Galego ou Castelán.

I.6. Autoría e presentación.

• Sen límite de traballos por autoría, pero cada poñente só poderá defender un máximo de dúas comunicacións.
• A persoa designada como poñente deberá estar inscrita no Congreso (salvo causa de forza maior xustificada e aceptada polo Comité Científico) e será o interlocutor co Comité.

I.7. Sistema de envío.

O envío realizarase exclusivamente a través dos formularios oficiais da web do Congreso. Unha vez enviado, o resumo considérase definitivo (ver excepción de “segunda oportunidade” no punto 11).

I.8. Anonimización obrigatoria.

• Resumos e traballos completos deben remitirse sen datos identificativos de autores, institucións nin fontes que poidan identificalos.
• O incumprimento suporá a non avaliación ata corrección; ver punto 11 (segunda oportunidade).

I.9. Reclasificación.

O Comité Científico poderá reclasificar unha comunicación (oral↔póster) ou o bloque metodolóxico por razóns científicas ou organizativas. Notificarase ao interlocutor/a.

I.10. Condicións de aceptación.

A aceptación do resumo é condicionada e quedará validada cando se xustifique o pago da inscrición nos 10 días posteriores á notificación.

I.11. Segunda oportunidade por erros formais.

Ante erros de anonimización, formato ou faltas de partes esenciais, ofrecerase un único novo envío no prazo que se indique na notificación. As faltas ortográficas penalizan a puntuación, pero non motivan novo envío.

Todos os traballos serán avaliados mediante un sistema de revisión por pares, asignando dous revisores/as independentes a cada resumo ou traballo completo.

• En caso de desacordo significativo entre as puntuacións (diferenza superior a 3 puntos), intervirá un terceiro revisor/a, sendo a súa valoración a que determine a puntuación final.
• A decisión final de aceptación, reclasificación ou exclusión correspóndelle sempre ao Comité Científico.

I.12. Avaliación e irrecorribilidade.

As comunicacións serán avaliadas polo Comité Científico segundo o baremo público. As decisións serán firmes e non recorribles.

I.13. Traballos completos.

• Só se solicitarán para comunicacións orais que opten a premio.
• Nos pósters non será necesario texto completo (deberán enviar o póster definitivo segundo formato).

As Comunicacións aceptadas polo Comité Científico pasarán a formar parte das Actas do Congreso. Todos os/as autores/as con Comunicacións aceptadas AUTORIZAN de forma implícita, a súa publicación nos medios que AGEFEC considere mais axeitados para a divulgación das mesmas. Os/as autores/as conservan os dereitos de copyright pero autorizan a súa publicación gratuíta.

I.14. Incompatibilidades.

Traballos presentados por membros do Comité Científico, do Comité Organizador ou da Xunta Directiva de AGEFECnon poderán optar a premio.

I.15.Ética e protección de datos.

É responsabilidade dos/as autores/as garantir o cumprimento ético (consentimentos, confidencialidade, comité de ética se procede) e a protección de datos vixente.

I.16.Propiedade intelectual de materiais.

O uso de imaxes, táboas, figuras ou material alleo require autorización. A organización non se fai responsable de infraccións.

I.17.Comunicacións coa organización.

Toda consulta realizarase exclusivamente a través das canles oficiais indicadas na web do Congreso.

II. PRESENTACIÓN DE RESUMOS

II.1. Datas de envío

Os resumos deberán enviarse mediante o formulario en liña dispoñible na páxina web oficial do Congreso.

• Envío resumos: PLAZO FINALIZADO (31/07/2026)
• Notificación de aceptación/rexeitamento: 15/08/2026
• Segunda volta de corrección por erros formais: 22/08/2026
• Envío traballo completo (só comunicacións orais que opten a premio):
  • Prazo ordinario: 01/10/2026
• Envío póster definitivo: mesmas datas que os traballos completos.
• Envío presentación audiovisual (comunicación oral):
  • Prazo ordinario: 15/10/2026

Nota: non será necesario o envío de traballo completo nos pósteres, só do póster final.

II.2. Formato

Os resumos deberán respectar o seguinte formato de presentación:

• Idioma: galego ou castelán.
• Extensión: máximo 350 palabras (excluíndo título, autores, palabras clave e bibliografía).
• Título: en maiúsculas, sen abreviaturas, en negriña, máximo dúas liñas e ata 15 palabras.
• Autoría: máximo 6 autores/as. Identificados con dous apelidos e nome, categoría profesional e centro de traballo (mediante superíndices). O/a poñente deberá incluír correo electrónico e teléfono de contacto.
• Estrutura: Introdución, Obxectivo, Metodoloxía, Resultados e Conclusións.
• Palabras clave: catro, extraídas do tesauro DeCS (https://decses.bvsalud.org/).
• A bibliografía citarase seguindo as normas do estilo Vancouver. Para orientación práctica e exemplos, os autores poden consultar:
• Biblioguias UAM: https://biblioguias.uam.es/citar/estilo_vancouver
• Fisterra (formación en metodoloxía): https://www.fisterra.com/formacion/metodologia-investigacion/estilo-vancouver/
• Formato técnico: Arial 12, interliñado 1,5.

II.3. Criterios de avaliación dos resumos

Os resumos serán avaliados polo Comité Científico mediante un sistema de revisión por pares, tendo en conta os seguintes ítems:

• Estrutura: axustada ás normas do Congreso.
• Redacción: clara e concisa, sen faltas ortográficas.
• Obxectivos: relevancia e novidade.
• Metodoloxía: adecuación e validez.
• Resultados: coherentes cos obxectivos.
• Discusión/conclusións: implicacións para a práctica profesional.

 As faltas ortográficas penalizan na puntuación pero non invalidan o resumo.

 En caso de discrepancia >3 puntos entre dous revisores, intervirá un terceiro avaliador.

 O Comité Científico poderá ponderar a puntuación final en función da orixinalidade do deseño ou temática.

III. ESTRUTURA DO ARTIGO COMPLETO

O envío de traballos completos só será necesario para aquelas comunicacións orais que opten a premio. A Secretaría Técnica notificará ao/á primeiro/a autor/a en caso de ser requirido.

• Formato: PDF, letra Arial 12, interliñado 1,5.
• Idioma: galego ou castelán.
• Extensión máxima: 3.000 palabras (1.500 no caso de artigos breves).
• Bibliografía: estilo Vancouver.
• Directrices metodolóxicas: recoméndase seguir as guías internacionais correspondentes, dispoñibles na web EQUATOR (https://www.equator-network.org/):
  • CONSORT para ensaios clínicos.
  • STROBE para estudos observacionais.
  • PRISMA para revisións sistemáticas.
  • SRQR para estudos cualitativos.
  • Outras guías segundo o deseño.

 A aceptación dun resumo non garante a aceptación do traballo completo. Calquera manuscrito que non respecte a normativa poderá ser rexeitado.

III.1. Artigo orixinal

(Máx. 3.000 palabras, con táboas e figuras se procede)

1. Introdución
2. Obxectivos
3. Metodoloxía
4. Resultados
5. Discusión / conclusións
6. Bibliografía

III.2. Revisión bibliográfica

(Máx. 3.000 palabras)

1. Introdución
2. Obxectivos
3. Metodoloxía
4. Resultados
5. Discusión / conclusións
6. Bibliografía

III.3. Artigo breve

(Máx. 1.500 palabras)

Caso clínico

1. Introdución
2. Exposición do caso
3. Plan de coidados de enfermaría (diagnósticos, obxectivos, intervencións)
4. Discusión / conclusións
5. Bibliografía

Experiencia innovadora / comunitaria

1. Introdución / xustificación
2. Obxectivos
3. Desenvolvemento / descrición
4. Resultados
5. Conclusións
6. Relevancia / aplicabilidade
7. Bibliografía

III.4. Proxecto

(Máx. 3.000 palabras)

1. Antecedentes e estado actual
2. Aplicabilidade
3. Obxectivos
4. Metodoloxía
5. Plan de traballo
6. Aspectos éticos
7. Plan de difusión dos resultados
8. Financiamento
9. Bibliografía

III.5. Avaliación dos traballos completos

Os traballos completos que opten a premio serán avaliados mediante un sistema mixto de revisión por pares, con base en ferramentas de lectura crítica internacionalmente recoñecidas e adaptadas ao tipo de estudo.

1. a) Estudos cuantitativos

• Ensaios clínicos / experimentais:
  • CONSORT (Consolidated Standards of Reporting Trials)
  • Jadad Scale para valorar a calidade dos ensaios clínicos.
• Estudos observacionais (cohorte, caso-control, transversais):
  • STROBE (Strengthening the Reporting of Observational Studies in Epidemiology)
  • SIGN (Scottish Intercollegiate Guidelines Network) como referencia metodolóxica.

1. b) Estudos cualitativos

• SRQR (Standards for Reporting Qualitative Research)
• CASPe (Critical Appraisal Skills Programme en español), adaptado á investigación cualitativa.
• COREQ (Consolidated Criteria for Reporting Qualitative Research) para estudos baseados en entrevistas ou grupos focais.

1. c) Revisións bibliográficas

• PRISMA 2020 (Preferred Reporting Items for Systematic Reviews and Meta-Analyses)
• AMSTAR 2 (A MeaSurement Tool to Assess systematic Reviews) para avaliar a calidade metodolóxica das revisións.
• Para revisións narrativas: SANRA (Scale for the Assessment of Narrative Review Articles).

1. d) Casos clínicos e experiencias comunitarias

• Adaptación de CARE Guidelines (Case Report Guidelines) para a presentación de casos clínicos.
• Para experiencias innovadoras ou programas comunitarios: rúbricas específicas de avaliación baseadas en criterios de relevancia, aplicabilidade e impacto profesional.

1. e) Proxectos de investigación

• SPIRIT (Standard Protocol Items: Recommendations for Interventional Trials), para protocolos de ensaios.
• Redalyc – Guía para a elaboración e avaliación de proxectos de investigación.
• Avaliación de coherencia entre obxectivos, metodoloxía, cronograma e viabilidade.

III.6. Sistema de puntuación

• Calidade metodolóxica: ata 60 puntos (segundo checklist correspondente).
• Defensa pública (comunicación oral) ou póster: ata 40 puntos.
• Puntuación final: suma ponderada (0–100).

 En caso de discrepancia significativa (>10 puntos) entre revisores, intervirá un terceiro avaliador/a independente.

 O Comité Científico elaborará unha acta oficial coas puntuacións e resolución final, asinada por Presidencia e Secretaría Técnica.

IV. PRESENTACIÓN DE COMUNICACIÓNS

As comunicacións aceptadas polo Comité Científico deberán ser presentadas nas modalidades de comunicación oral ou póster científico, segundo corresponda.

A Secretaría Técnica notificará ao/á interlocutor/a a data, hora e lugar da súa defensa.

IV.1. Comunicación oral

• Plantilla obrigatoria: A presentación deberá realizarse empregando a plantilla oficial do Congreso, dispoñible na web.
• Primeira diapositiva: incluirá o título e autoría do traballo.
• Entrega da presentación: deberá enviarse en formato dixital (PDF ou PowerPoint®) antes do 15/10/2026.
• Duración da exposición: máximo 8 minutos, cun tempo adicional para preguntas e debate.
• Medios técnicos: o Congreso facilitará equipo informático e proxección; recoméndase traer copia da presentación en pendrive como respaldo.
• Avalición da defensa oral:
  • Claridade e adecuación da presentación ao resumo/traballo (60%).
  • Capacidade de síntese, manexo do tempo e interacción co público (40%).

IV.2. Comunicación póster

• Formato dixital obrigatorio: todos os pósteres deberán presentarse en plantilla oficial do Congreso, dispoñible na web. Non se admitirán versións impresas.
• Contidos mínimos: Xustificación, Obxectivo, Metodoloxía (ou fases da experiencia), Resultados, Conclusións, Bibliografía.
• Elementos gráficos: pódense incluír táboas, figuras e gráficos.
• Exposición: os pósteres serán proxectados en pantallas habilitadas no espazo expositivo.
• Interacción cos asistentes: os/as autores/as deberán estar dispoñibles nos intervalos sinalados para responder dúbidas.
• Acceso dixital: todos os pósteres estarán dispoñibles mediante código QR no programa oficial e na plataforma en liña do Congreso.
• Avalición do póster:
  • Coherencia co resumo aceptado e claridade científica (60%).
  • Deseño, estética e lexibilidade (40%).

 Nota importante: O incumprimento dos prazos de envío da presentación oral ou do póster definitivo suporá a exclusión da defensa e, no seu caso, da opción a premio.

V. PREMIOS

Co obxectivo de recoñecer e poñer en valor a calidade científica dos traballos presentados, establécese unha estrutura de premios equilibrada entre modalidades de presentación (oral e póster) e bloques metodolóxicos.

V.1. Dotación económica global

A suma total destinada aos premios ascende a 5.000 €, distribuída nos seguintes bloques:

1. a) Estudos experimentais / cuantitativos

• Mellor comunicación oral – 1º premio: 800 €
• Mellor comunicación oral – 2º premio: 500 €
• Mellor póster – 1º premio: 500 €
• Mellor póster – 2º premio: 300 €Subtotal: 2.100 €

1. b) Estudos cualitativos

• Mellor comunicación oral – 1º premio: 800 €
• Mellor comunicación oral – 2º premio: 500 €
• Mellor póster – 1º premio: 500 €
• Mellor póster – 2º premio: 300 €Subtotal: 2.100 €

1. c) Casos clínicos, intervencións e revisións bibliográficas

• Mellor comunicación oral – 1º premio: 400 €
• Mellor comunicación oral – 2º premio: 250 €
• Mellor póster – 1º premio: 100 €
• Mellor póster – 2º premio: 50 €Subtotal: 800 €

1. d) Proxectos de investigación

Nesta categoría outorgarase un accesit honorífico ao mellor proxecto de investigación presentado, valorándose a súa calidade metodolóxica, viabilidade e potencial impacto na práctica enfermeira.

Este recoñecemento non levará aparellada dotación económica directa, pero o equipo galardoado disporá do apoio institucional e técnico necesario para o desenvolvemento do estudo, incluíndo:

• Acompañamento metodolóxico durante as fases de deseño, execución e avaliación.
• Acceso a recursos tecnolóxicos e científicos para facilitar a recollida, análise e difusión dos resultados.
• Difusión do proxecto a través dos canais oficiais da organización, co fin de favorecer a súa visibilidade e transferencia de coñecemento.

Este accesit pretende impulsar a investigación enfermeira aplicada, facilitando que proxectos con potencial transformador poidan materializarse con garantías de calidade e rigor científico.

A entrega oficial dos premios realizarase na sesión de clausura do Congreso.

V.2. Declaración de premios desertos

No caso excepcional de que, dentro dunha determinada categoría ou modalidade, ningún traballo acade o nivel de calidade, rigor metodolóxico ou relevancia profesional requirido, o Comité Científico poderá declarar deserto o premio correspondente.

Neste suposto, a categoría quedará sen premio nin dotación económica, sen que poida transferirse ou reasignarse a outras modalidades.

VI. RESOLUCIÓN DE DÚBIDAS

Calquera consulta relacionada coa presentación de traballos, prazos, formatos ou normativa deberá realizarse exclusivamente a través das canles oficiais do Congreso:

• Correo electrónico do Comité Científico: comite.cientifico@agefec.org
• Formulario de contacto dispoñible na páxina web do Congreso.

 Non se atenderán dúbidas formuladas por vías non oficiais (teléfono persoal, mensaxería instantánea, redes sociais…), coa fin de garantir a imparcialidade, a trazabilidade das respostas e a igualdade de trato a todos/as os/as participantes.

 O Comité Científico comprométese a dar resposta ás consultas nun prazo máximo de 7 días naturais dende a súa recepción.